Ako Bilang "Blogger"

Hindi ko alam kung ano ang tagalog ng salitang "BLOG" pero isa ako sa mga taong naglalaan ng oras upang gawin ang isang bagay na *ang sa pakiwari ko* ay simple.


Sa likod ng aking isipan, unti-unting iniba nito ang aking...

Libangan - Sa "notes" ng aking "cellphone" ako gumagawa ng mga ilalagay ko sa aking "blogsite." Gumagawa ako kapag hawak ko ang aking "cellphone" habang nasa LRT o MRT, sa jeepney, bus at "shuttle bus." Gamit ang ispesyal na kayang gawin ng "cellphone," ang "T9," malaya kong napipindot ang bawat numero kahit hindi ko tinitingnan ang bawat salita o pangungusap na gusto kong ipahiwatig sa maaaring makabasa. Ayoko na dumating ang araw na lumabo ang mata ko dahil sa pagbabasa habang nasa gumagalaw na sasakyan. =)


Noon, simple ang buhay ko. Natatapos ang araw na nanonood ako ng telebisyon at inuubos ang oras sa panonood ng pelikula na na-"download" sa "internet." Maggala ang isa ko pang nakakahiligan noon na binago ng aking bagong libangan.


Oras - Bakit oras? Dahil malaki ang oras na dapat mong ilaan kung gusto mo itong gawing trabaho. Hindi ko inilalaan ang buong oras ko sa paggawa ng mga ilalagay o isusulat ko sa aking "blogsite" ngunit hindi ko maiaalis na naglalaan ako ng panahon upang hindi ako magkaroon ng mga artikulo na hindi ko nailagay *agad.*


Lugar - Lugar na pinupuntahan. Bakit at papaano? Hindi maiaalis bilang "blogger" ang pumunta sa mga sikat na lugar at mga "events" o okasyon. Hindi nauubos at halos linggo linggo, may mga nakapila. Kung hindi ka pupunta, tiyak na hindi ka makakapaglagay ng bagong artikulo. Kaliwa't kanang imbitasyon mula sa mga kasama sa industriya, kaibigan, mga libreng palabas, atbp.

ako at ang Baguio

reunion ng mababang paaralan ng Kalumpang sa Eastwood

si Carlos Celdran, "Walk this Way"

Litrato - Hindi dumadaloy sa aking dugo ang pagkuha ng mga litrato. Wala akong magandang kamera at kung mayroon man, hindi ako marunong. Ngunit ano ang isang "blogsite" kung walang mga litrato? At magagandang litrato mula sa mga dinaluhang mga "events," sikat na kainan, lugar na pinuntahan at kung anu-ano pa.

hindi ko alam kung anong bulaklak pero maganda

kuha sa dati kong trabaho gamit ang "cellphone"

Kaalaman - Hindi rin po ako isang tao na may malalim na kaalaman sa pagdidisenyo ng isang "website." Kaunti lamang ang alam ko sa paggawa nito at iyon ang pinagkakasya ko upang mabuhay sa idinagdag ko na bagong libangan.

isa sa mga pangyayari na mahirap kalimutan...

Gamit - Mula sa mga okasyon at lugar na pinupuntahan, nakakaipon ako ng maraming gamit mula sa mga nagpasimuno ng ng nasabing okasyon. Mga gamit bilang alaala at skema ng kanilang pagpapahayag sa tao upang makilala o lalo pang makilala ang kanilang produkto. Maganda ito para sa mga tulad ko, libre at higit sa lahat, nadadagdag sa aking munting koleksyon.

mga ipinamigay ng Nikon mula sa kanilang "Product Launch"

mula sa Cushe Pilipinas, Salamat po!

Pagkain - Likas sa atin ang kumain ng masasarap ng pagkain at naging susi ang pagiging "blogger" upang makatikim, makatikim ng masasarap na pagkain. May walang bayad at may malaking bayad. Kumukuha rin ako ng mga larawan ng mga pagkain upang may maidagdag pa ako sa aking mga putahe, sa bandang kanan sa baba ng akdang ito. Kuha muna bago kain ang aking kasabihan kapag kami ay nasa isang kainan o restawrant.

Caesar salad sa New Orleans, BGC

hindi naman ito nakakagutom

Kaibigan - Nadagdagan ang bilang nila simula noong pasukin ko ang bagong mundong ito. Sa twina'y nakakasama ko sila sa mga okasyon at naibibida sa ibang mga tao. Lumawak ang aking pakikipagkapuwa at pakikihalubilo sa iba't ibang klase ng mga tao.

new found glory este friends pala (facebook faceoff 2)

Jaziel, ako, at si Alvin Ong

Sa dako pa roon ay...


Sa mga susunod pa na akda ko sa aking"blogsite," sisikapin ko na maging malaman ito kahit kaunti na lamang ang panahon ko sa pagsulat dito. Mukhang mahirap ngunit kasama ito sa aking mga inaasam-asam.


Hinahangad ko rin na makapunta ng malalayong mga lugar para sa kakaibang karanasan at isulat na muli dito.


Kung maaari ay pag-iibayuhin ko pa ang mga bagay na binago ng aking dagdag na libangan, hindi para sa ikasasama, kundi para sa paglinang ng aking kaalaman, karanasan, pakikitungo sa kaibigan at higit sa lahat, sa Dios na nagpakita sa akin ng mga bagay at potensiyal na Kaniyang kaloob.


Ang patimpalak na ito ay mula sa Coolbuster.net sa kanilang Coolbuster.net ExtraBLOGanza Contest.

Maaari rin kayo na sumali. Magtungo lamang sa Coolbuster.net upang malaman ang mga detalye.


Hatid ito sa inyo ng mga sumusunod:

• CBTech - Technology News and Gadget Reviews
• Alohagems on Squidoo - scholarships, US jobs, Hawaii, mathematics, product reviews, ...
• NursingUniforms.net - offers a wide range of branded nursing scrubs and lab coats
• Straw Hat Luffy - Anime, Games, Sports and Gizmos
• Make Money Online Philippines | Winziph
• Web Design Philippines
• Scolex Portal
• PCSO Lotto Results
• NLE Results - Nursing board exam results
• LET Results - Teachers' board exam results
• Talent Search News
• Computer Basics Tutorial
• AirGun Shooters

Maaari lamang po at mag-"COMMENT" at i-"LIKE" gamit and "Like Button" sa itaas. Maraming salamat po.