ANG AKING KASAMA SA PAKIKIPAGSAPALARAN

Isa lang ang aking maisasagot sa tanong na ito. Ito'y dili't iba kundi si Jaziel Oliveros.

noong unang panahon...

ang araw ng aking panunumpa bilang inhinyero

Mula sa isang upuan sa paaralang pangkolehiyo hanggang sa relasyong dinarang ng maraming ulit sa apoy sa loob ng anim na taon. Mga taong may hirap, pagluha, mga problema, mga hadlang ngunit maraming maliligayang sandali, kasiyahan, pananampalataya, pag-asa at pag-ibig.

kuha gamit ni Bb. Jaziel ang mahinang klase ng kamera sa "Pyrolympics", ang galing!

Nagkakilala kami sa panahong binubuno namin ang kolehiyo, noong araw na kami ay magkatabi sa loob ng silid-aralan. Nabuo ang isang pag-ibig na may kasamang pangako na hindi iiwanan ang isa't isa hanggang malagutan ng hininga. Ako ang bida sa buhay niya at siya naman ang bida sa buhay ko at ang aking prinsesa, sinuong namin na nakangiti ang bawat bagay at pangyayari sa pagitan naming dalawa. 


Hindi lamang ito istorya ng pag-ibig ngunit pinaghalong istorya at karanasan sa buhay.

sa "People's Park in the Sky"

ang aming unang malayong paglalakbay na ginawa, ang Tagaytay

sa pag-akyat...

Ngunit nasaan ang aspeto ng pakikipagsapalaran? Ang aking ikalawang kahulugan sa salitang ito ay ang salitang "buhay".

 ang aking kaarawan sa Star City

Ang aking buhay ay hitik ng pakikipagsapalaran. Marami na ang aming pinagdaanan. Pagod, puyat, sakit ng kalooban, hindi mabilang mga araw na nag-iiyakan. Ngunit sa ibabaw ng lahat ay katuwaan. Sinuong na namin ang karamihang bagay at pangyayari na inihanda sa amin ng panahon sa tulong at awa ng Panginoon. Ang mga linyang ito ay aking natututunan sa isang awiting pangsimbahan at ipinagmamalaki ko na kami ay kaanib sa pagsasama-samang ito.

sa Manila Collective | photospace+cafe

Kasama ang aming mga mahal sa buhay na gumagabay sa amin, nalampasan namin ang mga ito. Pinaghalong kasiyahan na may kalungkutan ngunit lamang ang kasiyahan sa Panginoon. Bawat kalungkutan naman ay sa Panginoon na may pagpapasalamat na palagi, maligaya man o malungkot ang pakikipagsapalaran sa buhay.

Star City! Yahoo!

Kung tutuusin, kaunti lamang ang aming paglalakbay sa mga malalayong lugar dahil na rin sa kakapusan ng panahon at salapi ngunit ang makasama ko siya sa araw-araw ay sapat na upang mapagsaluhan at maranasan ang mga simpleng ligaya sa aming buhay gaano man ito kaliit o kalaki.


Hindi ko masisisi ang aking sarili kung bakit siya ang aking itinuturing na kasama sa aking pakikipagsapalaran o sa aking buhay. Siya ang isa sa inspirasyon upang aking harapin ang "pakikipagsapalaran sa buhay".


At sa likod ng mga bagay na ito, walang hanggan ang aking pagpapasalamat sa Ama dahil sa walang katulad na kapalarang ito, maging ito ay masama man o mabuting pakikipagsapalaran.


Ito ay aking opisyal na piyesa sa isang patimpalak (“This is an entry to Wanderlass Adventure Partner Contest”) ni Bb. Lilliane Cobiao. Bumisita lamang sa

Wanderlass Travels

www.wanderlass.com/2011/03/my-adventure-partner-contest.html

at sa kanilang "fan page", ang Wanderlass Travels.
para sa iba pang mga detalye.

ANG NAGWAGI SA AKING MUNTING PASASALAMAT

Gamit ang random.org, nakapili na isang tao na mag-uuwi ng isang orihinal na "Norton Internet Security 2011".


At ang mapalad na mag-uuwi ay si...

MaryJane Noynay de Guzman!

Ikaw ay mag-uuwi ng isang "Norton Internet Security 2011". At para sa detalye ng nasabing patimpalak, bumisita lamang sa http://rollynunez.blogspot.com/2011/01/internet-security-or-not.html.

Hanggang sa mga susunod na mga patimpalak.

Maraming maraming salamat sa inyong suporta.

EXPLORATION: MANILA COLLECTIVE

Taga-Marikina ako at malapit sa Cubao pero isang beses pa lang ako nakapunta at pumasok sa loob ng tinatawag nila na "Cubao Expo" na ngayon ay kilala na sa pangalang "CUBAO X." Ito ay malapit sa Alimall at sakayan ng bus.

Umikot kami doon na nakakita ng mga tindahan na nagbebenta ng iba't ibang uri ng sapatos, damit, antigong kagamitan, lumang plaka, palamuti, muwebles, at iba pa. Mayroon din ditong kainan at kapihan.

Pumasok kami sa isang kapihan na tinatawag na "Manila Collective," isang "photospace+cafe" na pagmamay-ari nina  Jake Versoza at Karina Estacio kasama si Dabte Pamintuan. Ito ay may layuning pagsamahin ang sining ng pagkuha na larawan, pagkain, at kape sa isang espasyo.

Ang "Manila Collective" ay nagtitinda ng iba't ibang uri ng kape, tsaa at tinapay. Mayroon silang "Arokare Estate," "Red Sea Blend," "Worka Ethiopa," "Guatemala," at "Colombia Planadas" sa kape. Mayroon din silang "Flower Tea," "Japanese Green Tea," at "Barley Tea."

Tinikman namin ang "Guatemala." Ito ay nakalagay sa isang "coffee press pot." Ang bagong giling na kape ay nilalagyan ng mainit na tubig at pinalilipas ang tatlong minuto bago i-"press" upang lumabas ang tunay na lasa, tapang, at bango nito. Bukod pa rito, ang bawat buto ng kape na kanilang inihahanda sa ay hindi naka-imbak nang mahabang panahon at bagong giling.

Hitik sa maraming larawan kinuhanan ng mga sikat na "photographer" na kanilang ibinebenta. Ang tema ng bawat larawan ay ukol sa kahirapan. Nakabakas ang bawat sugat at lamat ng ating lipunan na dapat nating punan. Ako man ay naging interesado sa mga larawang ito at binalikan ng aking isipan ang mga bagay na hindi ko na napapansin sa lipunan.

Isang magandang karanasan ang aming pagbisita sa lugar na ito kaya hindi ko ito malilimutan.


Presyo ng bawat kape, tsaa, at "barley" ay mula PhP80 hanggang PhP220.
Manila Collective | photospace+cafe
Shop 66, Cubao X (dating Marikina Shoe Expo), General Romulo Avenue, Cubao, Quezon City, Philippines
www.manilacollective.com
info@manilacollective.com
+639175780681

bukas mula Martes hanggang Sabado, 4PM-10PM

ANG KABATAAN AT MUZIKADEMY

Bakasyon na naman! Maraming mga kabataan ang...


-magsisiuwian sa kanilang mga probinsiya
-"outing" kasama ang pamilya o mga kaibigan
-tutulong sa ibang gawaing bahay
-lalahok sa mga paliga ng basketbol o iba pang mga laro
-maghahanap ng mapagkakakitaan o hanapbuhay
-mas dadalasan ang paglalakwatsa
-hihigitan ang libreng oras sa paglalaro ng mga "computer games," PSP, "nintendo Wii," atbp.
-magpatuli (para sa mga kabataang lalake)


Ang iba naman, lumahok sa mga "workshop" upang tuklasin o palawakin ang angking talento. Talentong naghahanap pa ng apoy upang mag-alab ang bawat biyaya na ipinagkaloob Niya sa atin.

Si Janice Hung, ang nagpasimula ng Muzikademy ay nagsasagawa ng libreng pag-aaral ukol sa musika, wushu, at taichi para sa mga interesadong kabataan.


Sa pag-aaral ng musika, nililinang ang ating pagkamalikhain, pagmamahal sa sining, pakikipag-kapwa, at ito ay isang uri ng pagpapahinga ng isipan.


Ang taichi ay isang uri ng sinauna at malumanay na ehersisyo upang linangin ang cirkulasyon ng likido sa ating katawan, mabalanse ang ating katawan at isipan, kalamnan at mga buto, pati na ang kaliwa at kanang utak.


Ang wushu naman ay isang "marshal arts" na nagpapakita ng liksi, bilis, lakas, at sining gamit ang katawan.


Sa paglahok sa mga ganitong programa, natutunan ng isang kabataan na masubok ang kanilang galing, tapang, pasensiya, talino, diskarte, pagpapakumbaba, pakikihalubilo sa mga tao, disiplina, pakikipagkaibigan, at kahalagahan ng pagsunod sa tama. Nakatutulong rin ito sa kanila upang makaiwas sa masamang bisyo.


Si Janice Hung ay isang Tsino na nakatira sa Maynila na nag-aral ng kasanayan ukol sa "martial arts," isang modelo, at magaling na aktres.


Sa mga kabataang interesadong makakuha ng libreng pag-aaral ukol sa musika, taichi, at wushu:

lot 2 block 6 Jordan Plains Phase IV, Don Mariano ave., Quezon City

Telepono: 585-3200

0917-8258099

o busita sa kaniyang "website."

Our Next Steps for Our Pinoy Bloggers' Organization

We want a national bloggers association of the Philippines


Even as consultations and discussions are ongoing, but it seems there are bloggers who cannot wait to be part of what is turning out to be a controversial initiative.


The draft manifesto hopes to provide a starting point towards forming an association of Filipino bloggers. Please feel free to make suggestions to improve this statement of intent.


Members of this future organization will make the final decision on the name to use, the constitution and by laws, its officers and its programs and policies. If you wish to join as a founding member, please sign up to these post:

KES BATCH 1998 REUNION MEETING

SINO ANG MAPANGHINGI?

Mapanghingi ba ako?


Isang tanong na nakakailang sagutin. Bakit? Kasi naman, nakakaalwan naman kami sa buhay at hindi maganda ang konotasyon ng ibang tao sa mga mapanghingi.


Pero ako, aaminin ko ang isang bagay, MAPANGHINGI AKO! Ano ang hinihingi ko? Mapanghingi ng suporta ng ibang tao na alam ko ay kailangan ko ang tulong nila o sila ang taong dapat kong lapitan sa oras na ang tulong na kailangan ko ay maibibigay nila.

real online friends!

-Mapanghingi ako sa aking mga kaibigan upang magwagi sa mga "online contest."

ako at si Jaziel...
-Mapanghingi ako ng tulog sa kaibigan ko kapag ako ay may problema. Si Jaziel, siya ang pinakamalapit kong kaibigan na hiningingan ko ng tulong. Isa siyang kapatid, kasambahay, kapamilya, at kapuso. Malapit sa aking puso, itinuturing na pamilya, at aking minamahal.

graduweisyon

-Mapanghingi ako sa aking mga magulang. Hiwalay man sila ay madali ko naman silang nalalapitan. Problema, pinansiyal, payo, tulong, kalinga, at alaga. Lagi ko silang naaasahan.

-At panghuli, mapanghingi ako ng tulong sa Diyos. Bago ako humingi ng tulong sa aking mga nabanggit sa itaas, Siya ang una kong nilalapitan. Bakit? Dahil ang mga tao sa paligid ko ang Kaniyang biyaya upang malutas ang aking mga problema o kailangan. Lahat ay mula sa Kaniya.

Ikaw, MAPANGHINGI KA BA?
Ito ay ang aking opisyal na piyesa sa pakulo ni Richard Mamuyac, isang "blogger" sa kaniyang Mapanghingi ka ba? Ang Unang Anibersaryo.