BLOGGERS FEST SA THUNDERBIRD RESORTS

Kamakailan ay naganap ang Bloggerfest sa Thunderbird Resorts sa Binangonan, Rizal.

Thunderbird Resorts

Ang kalipunan ng mga samahan at magkakaibigang blogger ay bumuo ng isang ganitong pagtitipon. Napapaloob sa buong programa ang:

-Pagbibigay ng parangal sa mga nagwagi sa paligsahan ng Thunderbird Resorts, ang "Extraordinary Online Video Contest"


-Talakayin ang ukol sa kahalagahan at sakop ng propesyong ito


-Linangin ang kaalaman at husay sa bawat natutuklasang talento


-Magkaroon ng malawak na koneksiyon at pakikipag-ugnayan sa mundo ng "blogging"


-Ipamahagi ang kaalaman at ang umuunlad na na gawain na nakapaloob dito.

mga blogger habang naghihintay

-At ang pinakamahalaga ay magkaroon ng isang lugar kung saan ay tatalakay, gagabay at nagtuturo sa "blogging" at pagpapalawak ng pakikipagkapwa at ugnayan sa pagitan ng mga taong nasa industriya at propesyong "blogger" o "online publisher" kasama na ang mga kumpanyang lumahok at tumulong upang maging posible ang nasabing pagtitipon. Ito ay libre o walang bayad para sa mga nagpatala at limitado lamang sa mga taong nagsusulat at naglalathala ng kanilang isinulat sa "internet".
  
Dumalo mula sa iba't ibang sulok ng kalakhang Maynila at karatig bayan ang higit kumulang 200 katao. Ang iba ay nasa mundo at matagal na sa pinili at nakahiligang propesyon, mga beterano at mga baguhan sa pagiging "blogger" tulad ko.


May mga paksang tinalakay ang mga beteranong blogger sa higit kumulang pitong oras na tulad ng mga sumusunod:

-Azrael Coladilla ng "Azrael's Merryland Blog"
"Blogging 101"


-Micaela Rodriguez ng Micamyx.com
"Sharing your story through personal blogging"


Jonel Uy ng "Blogger Manila"
"Blogging and Writing with SEO in mind"


-Fitz Villafuerte ng "Ready to be Rich.com"
"How To Write Awesome Blog Posts"


-Antonio Carranza JR ng PusangKalye.net
"Photo Blogging Essentials"


-Arvin Ello ng Vintersections.com
"Beating Writer's Block and The Importance of Revision"


-JP De Leon ng Kampeon ng Pagibig.co
"Domain and DNS Management for your blogs"


-Marlon Guzman ng "Solid Hosting"
"How to Secure your Blog from Hacking"


Sa mga susunod pang mga panahon ay abangan natin ang mas pinalawak, pinarami at mas pinalalim na programa at mas pinasayang pagtitipon mula sa ating mga kasama.